][ ღ◦˚·قصيده تعور القلب˚◦ღ ][

السلام عليكم ورحمة الله وبركاته



[ ღ◦˚·قصيده تعور القلب˚◦ღ ][


شفت هذه القصيدة وحبيت اامررها لكم


هاذي قصيدة واحد اسمه خالد ياله المرض وقالوله انه بيموت قريب
وكتب هالقصيده حق صديقه يقوله انه يحب حبيبته ويخليها تنساه
اقروا القصيده وراح تعرفون معنى الحب الصادق*






وصاتـي لـك مـن بعـدي ..... تمـوت فيهـا علـى شانـي*
ابيها تعيـش وتحيـا بـك ..... واظـل بالذاكـره مفقـوود*
وصاتـي لـك تنسيهـا ..... مـلامـح وجـهـي وتنسـانـي*
وتعزفها قصيدة حب ..... على عكس اللي عزفته بعود
وصـاتـي لــك تبعـدهـا ..... عــن اشـعــاري وقيـفـانـي*
تراها مغرمه بالحييييـل ..... ويشهـد لـي عـدد الـردود*
وصاتـي لـك تسايرهـا ..... تــرى فيـهـا مــن احـزانـي*
طلبتـك لايضـيـق بـالـك .... طلبـتـك والطـلـب مــردود*
وصـاتـي لــك تنـاديـهـا ..... حياتي..عمـري..ازمـانـي*
انـــا عـودتـهـا دايــــم ..... ادلـعـهــا وانــــا مــوجــود*
وصـاتـي لــك تعاملـهـا ..... بطيـبـة قـلـب واحـسـانـي*
تـراهـا تــذرف الـدمـعـه ..... ودمعـتـهـا بـلـيـا حـــدود*
وصـاتـي لــك تحفظـهـا ..... صـــور وايـــآت قـرآنــي*
وتخبـرهـا عــن الـمـيـت ..... رحـــل لايمـكـنـه يـعــود*
وصـاتـي لــك ترسمـهـا ..... عـلـى قـبــري واكـفـانـي*
ابيهـا لوحـة تبـقـى عـلـى ..... طــول الـزمـن مـحـدود*
وصاتي لك تمازحها ..... وتشـوف الضحكـه بأسنانـي*
سعيتك ياضحـك هالكـون ..... طلبتـك لاتصيـر جلمـود*
وصـاتـي لــك تقهويـهـا ..... مـــن دلالـــي وفنـجـالـي*
تـراهـا تعـشـق السـمـرا ..... ويكفيـهـا دهــون الـعـود*
وصاتي لـك تركبهـا ..... علـى خيلـي وعلـى حصانـي*
تراهـا فارسـه مـن قـلـب ..... شـهـاده مـاهـي لشـهـود*
وصـاتـي لــك تسـفـرهـا ..... بـــلاد الـشــام ولبـنـانـي*
تــرى يحلالـهـا تقـطـف ..... ورده مــن بـلـد الـــورود*
وصـاتـي لــك تراقصـهـا ..... عـلـى الـحـان رحـبـانـي*

تـرا فيهـا عـرق خالـه ..... وفيهـا مـن جنـون الـسـود*
وصـاتـي لــك تحبـبـهـا ..... فـأبـونـوره بـعــد هـانــي*
وتنسيهـا نـدم غلطـه ..... انــا فيـهـا تــرى المقـصـود*
وصـاتـي لــك تكرهـهـا ..... فــي تاريـخـي وعنـوانـي*
ابيهـا تلعـن اللحـظـه ..... وتلـعـن كــل فــرح مـوعـود*
وصاتـي لـك تكلمهـا ..... عـن المجنـي وعـن الجـانـي*
وتخلينـي انـا الظالـم ..... وانــا مــن حــرق الاخــدود*
وصـاتــي لـــك تشبـهـنـي ..... بــــدم احــمــر قــانــي*
وانـا هالقاتـل السفـاح ..... مجـرم مـن عصـر نـمـرود*
وصـاتــي لـــك تحلـفـهـا ..... تـتــوب تحـبـنـي ثـانــي*
تــرى يكفيـهـا ماعـانـت ..... ويكـفـي حيلـهـا مـهـدود*
وصـاتـي لــك تنسـيـهـا ..... وصـيــه قـالـهـا لـسـانـي*
انــا اخـبـرك رجــل مـوقـف ..... وانــت قـدهـا وقــدود*
صديقـي مالقيـت غيـرك ..... يعـرف وشلـون تنسانـي*
امانـه ضمهـا بقلبـك ..... تـرى ..خالـد.. رحـل مايعـود*



منقول

قصيدة مذهلة جدااااااااا

تسلم اختي ............

يعطيك العافية

صراحة موضوع رائع جدااااااا

شكرا جزيلا

[ندعوك للتسجيل في المنتدى أو التعريف بنفسك لمعاينة هذه الصورة]

تحياتي اخوكي الزقري

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]

الله يعطيك العافيه ويجازيك الخير

يسلموووو
ع الطرح المتميز